ജനസംഖ്യാവളര്ച്ച: പ്രകൃതിയാഥാര്ത്ഥ്യവും സമീപന മാര്ഗ്ഗരേഖകളും
എം.അബ്ദുല് സലാം "കേരളീയം യുവപ്രതിഭാപുരസ്ക്കാരത്തിന്" വേ ണ്ടിയുള്ള കഥ, കവിത, ലേഖന മത്സരങ്ങളില് ലേഖന വിഭാഗത്തില് രണ്ടാം സമ്മാനം നേടിയ ലേഖനം. കടമേരി റഹ്മാനിയ അറബിക് കോളേജ് വിദ്യാര്ത്ഥിയായ എം.അബ്ദുല് സലാം കൂട്ടാലുങ്ങള് ആണ് രചിതാവ്. എന്റെ സുഹൃത്തിന്റെ ലേഖനം അഭിമാന പുരസ്കാരം പോസ്റ്റുന്നു. [തെക്കേ ആഫ്രിക്കയിലെയും സോമാലിയയിലെയും അഫ്ഗാനിലെയും പട്ടിണിമരണങ്ങള്ക്ക് കാരണം ജനസംഖ്യാവര്ദ്ധനവാണോ അതോ ആഗോള സാമ്പത്തിക ശക്തികളുടെ നിസ്സഹകരണമാണോ? ] വി ശ്വപ്രപഞ്ചത്തിലെ ചെറിയ ഭാഗം മാത്രമായ ഭൂമിയെ മറ്റിതര ഗ്രഹങ്ങളില് നിന്നും വ്യതിരിക്തമാക്കുന്ന പ്രധാനഘടകം ജീവാംശത്തിന്റെ സാന്നിദ്ധ്യമാണ്. ജീവിവര്ഗ്ഗത്തിന്റെ നിലനില്പ്പിനുതകുന്ന രീതിയിലാണ് ഭൂമിയും പ്രകൃതിയും സംവിധാനിക്കപ്പെട്ടിരിക്കുന്നത് . മത-ഭൗതികവാദികള് ഒന്നടങ്കം അംഗീകരിക്കുന്ന യാഥാര്ത്ഥ്യമാണിത്. എല്ലാ നിലയിലും പ്രകൃതിയെ തനിക്കനുകൂലമാക്കി നാഗരികവി കസനത്തില് സ്വാധീനം ചെലുത്തുകയെന്ന ലക്ഷ്യമാണ് മനുഷ്യന് ആത്യന്തികമായി നിറവേറ്റേണ്ടത്. വ...